الشاعر إدريس لحمر
************************

قاَلْ عَنْدِي لَجْوَابْ

*****

قاَلْ عَنْدِي لَجْوَابْ
كْلاَ ياَبَسْ وَاخْضَرْ
خَلاَّنِا بَالْباَبْ هْباَبْ
وْماَ اطْفَى اجْمَرْ
ماَ اقْبَلْ اعْتَابْ
وْلاَ لْقَى صْوَابْ
سَدْ اشْرَاجَمْ وَابْوَابْ
وْسَارْ كَيْجَرْ
اكْوَى الأَحْبَابْ
وَهْجَرْ الأَصْحَابْ
وَنْسىَ الكْتَابْ
وْبَحْرُوفوُ كْفَرْ
طَبْعُو كَذَّابْ
وْماَ ابْغَى عْتَابْ
مَنْ نْعَاجِي وَدْياَبْ
عْلِيهْا ماَ اقْدَرْ
نْعَقْ الَغْرَابْ
وَسْطْ الَغْيَابْ
بِينْ اسْرَاب
مَعْلوُلَةْ وَيْسُوقْهَا انْسَرْ
عْلاَشْ الضَّحْكَةْ صَفْرَا
مْشَبْعَنَا هَضْرَا
فَزْمَانْ النُقْرَةْ
وَنْحَاسْناَ غْبَرْ
ياَ حَسْرَةْ
ياَ حَسْرَةْ
يا حسرة يا لمرا
زَنْدَاتْ بْلاَ رِيحْ
اسْبَابْهَا رْيُوسْ اْلحَرْبَةْ القْدَامْ
ماَ قاَبْطَةْ تَسْرِيحْ
مَنْ قَايَدْ وْلاَ باَشاَ فَدْلاَلَةْ لَحْرَامْ
رَا قَفْطَانْهَا فْسِيحْ
يْجَرْجْرُوا كُلْ مَنْ ذَاقْ رْيَالاَتْ بْلاَ لْجَامْ
حَتاَّ فْصَالْهَا قْبيِحْ
مْقَوِّي لَعْقَابْ مْكَثَّرْ لَكْلاَمْ وْلُكْجَام ْ
لَسْلاَفْ شَعْلُوا قَنْدِيلْ لَفْرَاجَةْ
هَرْسُوا زْلاَيَفْ
ماَ لِينَا بيِهُمْ حَاجَةْ
هَزْمُوا قُومَانْ
ماَ هُمْ بْلاَدَةْ وْلاَ خْوَاجَةْ
شَمْسْ حَارْقَةْ
حَاجَبْهَا الَغْيَامْ وْالَعْجَاجَةْ
الطِّيرْ الْحُرْ
مَا يَشْبَهْ مُوكَةْ
الصَّبْرْ الْمُرْ
فَالْحَلْقْ نَشَبْ شُوكَةْ
النَّسْرْ تْضَرْ
وَلاَّتْ صَحْتُو مَهْلُوكَةْ
حَتَّى الَفْجَرْ
وَلاَّتْ صْلاَتُو مَتْرُوكَةْ

***************
بقلم ادريس لحمر

Ouafaa Chattjbaire

*************

قصيدة بعنوان 

************
الجار جاري
مال بابك مسدود
وانت ما جايب خباري
ياك حنا جيران 
وبابك قبالي
علاش ما نشركو المحبة
بكاس أتاي
ولا كعدة بصدق الكلام
نعرف اخبارك
وتعرف خباري
واش تقول لك أ جاري
الجورة قبل كانت شان
وليها شلى معاني
كانت كلها محبة وتقدير
كنا ننساو همنا
ونفكروفي الغير
وكنا نشركو الطعام
بقلب صافي سميح
كان فليل ولى كثير
وكانت معاه
كل اسرارك واسراري
أما انت أ جاري
الي بابك قبالي
كتدوز حدايا وقاطع
كلامك ليا
عفاك باركة
من هاذ الشي معايا
حيت النبي
وصاني عليك
وما قدرت نخون وفايا
بغيت نشوف
آش غيجرى لك
الى بقيتي
في الدرب وحدك
شكون الي غادي يبقى
حداك بجنبك
ملي تصاب
في صحتك او اهلك
علاش ما اتقي ربك
وتصلح لسانك
وترجع لأيامك
وأطبايع أجدادك
ودبر يدي في يدك
باش اولادي
يحنوا في اولادك

*******************

بقلم الشاط أجباير وفاء
بتاريخ 10/12/2016
كل الحقوق محفوظة

محمد بنجدي

******************

العنوان.. عيناك زهرتان

***

عيناك زهرتان
رموش الياسمين و الريحان
الجفون تيه و ضياع
الهلال و خيط القمر
مرسوم بالقلم و عشق السفر 
قلبي شارد فيك و هطول المطر
يا شمس الشموس
سلي الأشعة الملتهبة في جوف النفوس
أيا نفس احترقت عشقا
أيا نفس تشظت حبا و جمرا
خذي الرماد الذي رسم اسمك رسما
و نسج الجنون اسمك نسجا
أعشقك عشقا
أحبك حبا جما

************

بقلم

محمد بنجدي.. المغرب

 

Nour Abouchama Hanif

************************

حْجَرْ عْلى رقْعَة الشّطْرَنجْ
...
مَ يعْقَلْ رقْعَةْ لحْجَرْ غِيرْ سِيدِي دَارِي
ؤُ مَا يْحَرّكْ لبْيَادقْ
غِـيرْ اللّي ڭلْبُو ..
وَرْدَة
...
لحْجَرْ اللّي ربّاتُو الشّمْسْ فْ دَارِي
هَرْسَاتُو شَلّا مْطَارقْ
صَقْلاتْ صَلْبُو ...
شَدّة
...
نَابتْ صَخْرَة ، مَاشِي طُوبْ هَارِي
فُمّي سْنانْ بْلا مْلاعقْ
نَقّاتْ نَقْبُو ...
عَضّة
...
عَضّة ملْ لْبُرْجْ اللّي عَلّا سْوَارِي
عَلّقْ عنْڭي مْعَالقْ
خلْعاتْ رَهْبُو ...
منّي هَدّة
...
ؤُ عَضّة جابْهَا بَهْلُولْ بْلا شْوارِي
فرّشْ طْرِيقِي مْزالقْ
حَرْ ڭاتْ جَنْبُو ...
رُوحِي لْفدّة
...
ؤُ عَضّة رْكبْهَا خيّالْ ڭالُو مْسَارِي
شَعّلْ لْحَرْكَة بْنادقْ
لْقُبْ قُبّو ...
التّْماڭْ فرْدَة
...
ؤُ عَضّة غْواتْ حْجَرْ سَاكنْ مَ قَارِي
زَوّقْ السّْلامْ تْزَاوقْ
نْسَا شُونْ عَيْبُو ...
عَرّاتُو حَدّة
...
ؤُ عَضّة دَرّاتْها لَالّة مِيرَة بْلا مْدارِي
لْقَاتْنِي سلْطَانْ فَايقْ
فْ عزْ حُبّو ...
رَاغدْ رَغْدَة
...
" شْيكْ ؤُ ماتْ " مَ طْفِي مَ تْخَمّدْ نَارِي
شُونِي شْعَا عايِقْ
فْ السّْمَا لَعْبُو ...
لْيُومْ ؤُ غَدّا
...
نون . حاء

‎Hafida Yousfani‎ 

********************

* * نار الشوف * *

تبسم لخال فوك الحاجب

و بكا مومو عين مولاتو

غمز خدها ؤ بقيت نشوف

طاح لورد عمر لكفوف . .

بورد ابيض ناصح ؤ كتير

صرت نخمم .نعصر .نقطر

تمنيت تولي ادموع عطر

فيقت راسي لقيتو لي يصبر

ؤ يجمع جلايلي لانزيد نعتر

حلفت بحلوفي م نتلفت . .

حيت طريك لغرام طويل توضر

وانا عاد بديت نعرف نهضر

. . عاد بديت نعرف نهضر . .

**********************

حاء .اليوسفاني

Amghar Nourdine

********· 

راذف الحال أوالحال أردف بيا
أمكاكي أمع الخيال
أوالخيال جالس قدام عينيا
أنظرت الهايمة ثالفة أوظالمة
أمسبحة أمع الخبور
أمكحلة أوراجعة اللور
حبست أنفاسي أوعينيا فراسي أدور
أبلاتاكبور أمعدل لمقام أونسبح للغفور
شفت الغيامة دايزة
قلت الله ربي يرحمنا
فاتت دقيقة لانقطة نزلت
الله يلطف بهاد الأمة

****************

بقلم نور الدين امغار