الدنيا دوارة

‎عزالدين ناس الرمى‎

***** 

الدنيا دوارة
"""""""""""""

رد بالك يا قلبي راه الدنيا دوارة
خاب الظن فلحباب و لي فات خسارة

من بعد لعز اللي كان هادي ليك إشارة
كلشي قلب وجهو و بقات غير لامارة

اللي نساك نساه يا قلبي ما بقات شطارة
إلى غنا لك موال عزف لو نتا لقيتارة

هضرو فيا الناس و عقولهم حيارة
مسكين هاذا مالو تبعاتو غير لخسارة

جاوبتهم و قلت أنا من الناس الصبارة
ليوم عندي و غدا عندك راه الدنيا غدارة

لمحبة بلمال ماشي بالشطارة
و نتا ما عندك جيب ما عنك شكارة

ما يبغيك حبيب ما يحزروك لحزارة
يعطيوك غير الصهد و يزيدو الحرارة

يفرحو ليك غير لحاجة لخسارة
يهضرو بيك و يديرو صفارة

يعيطو عليك غير ساعة تمارة
سير يا قلبي نسا عليك الهضارة

راه اللي يبغيك ما تهمو لحزارة
حسن عيش وحدك علاش نتا الضسارة

بقلم : عزالدين ناس الرما ( عزالدين العودي )