رْضَاة لْوَالْدِينْ
يَا
تَالَفْ وْقْتَاشْ تَتْعَقَّلْ
رْجَعْ
قْبَلْ مَ تَهْبَلْ
ؤُ انْتَ
غِيرْ طَالَعْ نَازَلْ
...
بِ لْحَقْ
نْوَصِيكْ اَ لَحْنِينْ
اِ لَا كَانْ
عَقْلَكْ رْزِينْ
بَاغِي رْضَا
لْوَلْدِينْ
...
مَ تْكُونشْ
عْنِيدْ
وَ لَا صْلِيبْ
حْدِيدْ
مَنْ وَاْلِديكْ
بْعِيدْ
...
رْضَاهُمْ
رْبَاحْ
غْيَارْهُمْ
سْفَاحْ
مْعَيَاتْهُمْ
سْلَاحْ
...
لْيُومْ عْلِيَا
ؤُ غَدَّا عْلِيكْ
لِ زْرَعْتِيه
تْشُفُو عَينِيكْ
ؤُ مَ تَلْگَاشْ
لِ يَبْغِيكْ
...
نْسِيتِي رْگَلدَكْ
شْهُورْ
فِ رْحِيمْ
مُكْ مَسْتُورْ
ؤُ لْيُومْ
تْگُولْ مَقْهُورْ
...
جَاي بْلَا
حَشْمَة تْحَاسَبْ
وَلِدِيكْ قَاصَدْ
تْعَاقَبْ
بِ لْمَعْيَارْ
تْعَاتَبْ
...
فِيقْ مَنْ
گَلْبَا أَ لْغَافَلْ
گْبَلْ سَّخَطْ
عْلِيكْ يَنْزَلْ
ضِيعْ
حْيَاتَكْ بَاطَلْ
...
مَ ظَنشْ طَامَعْ
فِيكْ
غِيرْ خَايَفْ عْلِيكْ
مَنْ سَخَطْ
الله بِيكْ
شعيب صالح
المدكوري
الرباط
10.10.2017
ليست هناك تعليقات:
إرسال تعليق