Mohammed Elmouadden 

*****

يا بنادم يا النادم لازم تفهم
بلي أنا خوك ؛ ماشي عدوك
آدم بوي ؛ وبوك مشاركنا الدم
أنا وأنت من أم مشاركنا رحم
يا بنادم علاش غروك هاذوك
بهم الدنيا فعالك مزمة بالقلم
علاش لكذوب علاش الذنوب
علاش لحروب علاش سفك الدم
علاش يا بنادم ؛ فمك مبتاسم
علاش يا بنادم قلبك محجوب
فيه الخديعة والغم عامر بالسم
يابنادم رزقك مقدر في الغيب
احتارم تلي العيب وكون قانع
يا بنادم فينا الهابط فينا الطالع
فينا المسكين فينا الغاني الشابع
مالك أجاري هاز راسك علي معفر
قل السلام الزمان يذوب لعمر
النبي وصانى عليك وحرم لغدر
راعي لجورة علي وعليك بالصبر
بحطبك يالحطاب كنت سباب
الدفا ويدي من الكانون قراب
زينك يافلاح في فدادن لقماح
زينك ف التفاح وعسل لجباح
زينك يا نجار ف صوت منشار
في دق مسمار في بثات الدار
عندك لحق يا مول لورد ولحبق
وردة مهدية لهنية من العاشق
يفتح قلبها يكون عليها شافق
مرض الفلاح ؛ ودواه الطبيب
بنت الطبيب ؛ مرضها صعيب
حارو فيها مادواها عير حبيب
بوه فلاح كبر شانو ولى نسيب
مرض لحبيبة صعيب وصعيب
ما يداويه طب إلا بكلمة الحب
وخاتم ذهب في صبعها يتركب
إلا بغاتك لمرا معك دوم لعشرة
وتصبر في حقها بالحفا ولعرا
كبرت في خيمة مزيناها لميمة
خيمة عظيمة؛ وعايلتها كريمة
وصاونا الكبار ؛ ما نجبدو العار
نحميو الجار ما نرافقو لشرار
دفع الطعام وبعد من لخصام
تبقى راجل عاقل تبغيك قوام
سبقت للخير قلت نبدا بالطعام
حتى مولاة داري فهمت قراري
وفورت وسكات ثلث قصاري
بسبع خضاري ؛ وحدة لدراري
وحدة للنسا وحدة لي وجاري
عرضت على الفلاح يدو نقية
خضاري لقصرية بيدو مسقية
أهيا مول الكربة كب لي شربة
جلس مرحبا كول عتق الرقبة
نشركو الطعام تجمعنا المحبة
يا لعطار لا تقول حرفتك عار
مرحبا بيك كول ؛ عليك النوار
زينك في طاجين غنمي معطر
بمروزية ومسكة وقرفة وبزار
من زين اللمة مع الخالة والعمة
من زين اللمة تجمع فيها الأمة
تكون كل لقلوب بيضا ومسلمة

محمد المؤذن مؤسس ورئيس جمعية كازابلانكا للتراث الشعبي - المغرب 28 اكتوبر 2017

Kabira Chab

******

العالي في علاه زين لعطية
حاكم أهدى لبلادي اهدية
غالية كبيرة دارت لينا مزية
تكلم عليها كل ناس الدنيا
ملك تميز بالحكمة والنية
يبغيه شعب راجل ووليا
صغير كبير ولد وبنية
مع الحسن الثاني احكاية
عشناها صباح وعشية
حاكو الغدارة لينا قضية
جراو وجراو باتفاقية
الصحرا ماشي مغربية
بلعقل والرزانة العالية
ملكنا دار خطة اذكية
متقونة مدروسة بجدية
نادى شعبي اسمع ليا
موضوعنا الوحدة الترابية
من طنجة الكويرة الغالية
بمسيرة خضرة مليونية
بلا سلاح بلا دم ولا أذيا
لصحرا اندخلو دخلا رسميا
اسلاحنا اكتاب الله وكل آية
فيه اتبعد علينا شر البريا
انقولو بسمالله نتبعو لوصيا
تطوع ارجال ولمرة تاهية
ليد في ليد لباو الندا دغية
عدو العدة وأمشاو علانية
العالم كلو شاف الحرية
بالمغرب والصحرا المغربيا
وبقات المسيرة تاريخية
قصة ملك بطل وقضية
رفعت الراية المغربية
في كل العوالم العالمية
كبيرة شاب

Med Mehdaoui

*************

………………...لباردية…………

آولدي مَد لي ذاك الفَردي
نْعَنگُو راه فيه ريحة جَدِّي
مالُو ذبال ؤُ بْهاگْ لُونُو
مال وجهو كحل مصدي
أَرَا نْزَيتُو نحيي عظامُو
راه كان هو دواي أَوَعدِي
كِيفْ نرفع راسي گدام الدوار
ؤُ ساسبُو مَزَال يْبَردِي
فِينْ الصولة گَدَّام الخودات
فِينْ مولات الشَّال الوردي
زمان،كانت الزغرتات تطلب ودي
ؤُمولات لخلاخل تبوس يدي
يا الخيالة علاش نكرتوني
مِين رشاو عظامي وتشنتف جلدي
آه يا ولدي وَجَّد لي الرزة الصفرا
خليني نصول ونجول ف لباس البلدي
الركاب حديد والسرج جديد
خلِّي لَدهَمْ يتباهى يا وَعدي
لزرگ ب حوافرو يرش تراب الرحبة
فالسما نيران صفايحو تگْدي
مين نَخْلِي البارود يَتَّخلع الطير
والسربة تعود تركع ل زندي
آولدي رَكَّبْ سرج لشحم ولا البرگي
راه البارود ،الحبة ؤُ لَمكاحل مَنْ عَندي
خَلِّي الغايطة تصهل صهلة الخيل
والگلال يصاحب طلقة الفردي
الخيل مربوط بالخير ل يوم القيامة
بغيت اليوم يا حبابي نجرب سعدي
والزناسني مربوط ب حبل الرجله
من زمان راسو عالي،فهمو قصدي
احنا امالين الصف،التبراح والبندير
الهندي والبندي والموس من عندي
وِيلَا جات للرجله البارود يطيعنا
سَوْلُو لَفْرَنسيس على تْوَارَخ مَجْديِ
مِينْ كَانَت السَّربه تَخْذَلْنِي
كنت نْقَاوَم لَفْرَنْسِيسْ بْ وَحدِي

*******

بقلم

محمد مهداوي.

Habiba Chakroun

4 min

المسيرة الخضراء

من أقصى الشمال من فوق التلال والجبال
نادى صوت الحق مزلزلا مناديا

الصحراء مغربية مغربية
أبى من أبى وطوبى لمن قالها عاليا

من كل فج هب ودب الأوفياء
لما أقسم الحسن والقسم مؤديا

رفعوا الأعلام والمصاحف بالهمم
مغاربة بنيان مرصوص بالصف سواسيا

من طنجة للكويرة من حسيمة للصويرة
من وجدة لتازة للبيضاء العاليا

كسيف مسلول انسال
من الغمد صارخا للعدو معاديا

صدحت الحناجر بالله أكبر مكبرة
الصحراء مغربية والنصر آتيا

عند الحدود كان العدو قد تقهقر
فالأرض لأصحابها لما صاح الحق مدويا

سجدوا لله شاكرين رجوع التراب
فالتراب للتراب واحد لا ثانيا

مسيرة خضراء بالسلم نادت
فكان النصر بفضل الله وملك وشعب متفانيا

#حبيبة_شقرون

Abdelhalim Benrahla

**********

Ali Hasan

********************

ثورة الجوع ..#بقلمي علي حسن
وطني لك أكتب بالإسم متعطرا ..
فأمتشقت قلمي حسامي متصدرا ..
ونذرت نفسي على أعتابك متهجدا ..
وأيقنت أني دونك لست موحدا .. 
وعرفت أني في أحضانك متوسما ..
فكنت وطني من طهر رحمك متولدا ..
ونثرتني فوق الأرض بالكرامة مترفعا ..
واليوم أعيش بثورة الجوع متسلطنا ..
لعل ربي يسمع الدعاء وأموت قربها ..
فهناك الحجر والمقلاع والسنابل تسبح لربها ..
لست وحدي بأمعائي الخاوية منددا ..
فالزعتر والزيتون وحسون الجبل مغردا ..
أنا معكم في اضرابكم بصوتكم منشدا ..
لتشرق شمس الحرية من شبل السجون متوعدا ..
ليسجل قلمي شهد قافيتي من جوعكم متعمدا ..
ويردد لساني نغمتي مع أثير الوطن متنهدا ..
وطني لك أكتب وأنسج خيوط محبتي لله موحدا ..
لن نركع لغير الله وللوطن بالوعد والعهد متجددا ..
وطني لك أكتب .. 

**************

#بقلم 
.. علي حسن ..

Habiba Chakroun

**********

مناجاة....يا شافي....

في الضحى في الدجى في
النور في الظلام همسي
يا الله يا الله يا خالق
الأكوان والروح والأنفاس
أناجيك أدعوك ودعائي
تذلل للنفس والإحساس
منك الأقدار خيرها وشرها
بالخير وهاب للقائم والجالس
أنت الرحيم للداعي السقيم
أنت العليم للمنادي والأخرس
أنت الله في الأرض والعلياء
أناجيك أناديك يا مؤنسي
أنت الشافي أنت العافي
أنت الرحيم بالمناداة والهمس

**************

#حبيبة_شقرون