Youssef Bayou

*****

و أقدامنا...
تجر...الغطاء..
فوقنا..
كبرنا...
فنمنا..في..
شتات...
أمنا...
لم..تعد..تقدر..
فك..تشابك..
عنادنا...
ولا..تجر..
الغطاء.. .

*********
يوسف.

‎حسن صبي‎ 

حسن صبي

**********
قراوه سد فمك اكبر سد
و البياعة باعو وشراو و غنمو
هذا عبد هذا ركع وسجد
وزادو الشعب هم على همو
حسدوه حتى فتمارة والكد
الراعي حاسبنا قطيعو وغلمو
يسمن يذبح ويبيع الجلد
النعيجات من جنويتو ما سلمو
الضارة ولا مولات الولد
آش من نهار بالتنمية ننعمو
وتشرق علينا شمس الغد

***********
حسن صبي...

Adil Lghiwan

****************

طال غيابك يا زمان
وقت غريب هذا. ..
شي متبع طريق لله
اوشي متبع مسلك شيطان
اوشي كيعبد ميريكان 
وكاين لتبلا بالحشيشة وجوان
وكاين البعض شبيه للحيوان
وقت غريب هذا
ظلم وجار معه قافلة النسيان
سلاح الدمار من يد الطغيان
مشيت بلا رجوع يا زمان
فين تشحرة البراد صنية وكيسان
فين ضاحكة الصافية من القلب تخرج مبين الأسنان
فين لحلاوة ورطوبة لكلام
طال غيابك يا زمان
لكان فرحان.......
ارجع غضبان.......
لكان دليل اليوم كبرليه الشان
فين لمشاهب وناس الغيوان
لكلام مفصل موال وميزان
ياك الزهر والربيع مابقي فالفدان
الطير ارجع مأتر على الاغصان
فين أرنب لكانت تجري ما بين الغيران
اليوم أشرق أعمى بالدخان
دمروا سكاني وبنيان
ماتوا شيوخ وصبيان
ضاق بينا المكان
ارجعنا إنسانية بلا عنوان
اختلفنا وتبدلنا فلوان
عافك ارجع يا زمان

****************

......بقلم عادل الغيوان. ......

Abdelhaq Tawfiq Elbakkali

*******

التّنمية مَاشِي تْساطيح وسلّك وعدِّي وْسَاوِي
التّنمية كرامة وعدْل وحْقوق هاكّا گال الرّاوي
التّنمية عِلم خدمة وصحّةماشي عصير فالقهاوي
بنادم ميّت وهو حيّ ،ومع الأمل جامع وْطاوي
التنمية مصير مبهّج مبخّر بعود القماري وجّاوي
ماشي دوخة وديربي بماتش ودادي ورجاوي
يعشقها العادي والبادي والگناوي والعيساوي
وعافاكوم عذروني هزني ريح وانا غير داوي
فجّجت على گلبي وفرشْت هضور التّناوي

******

ذكي عبد الرحمن

****************

ها هيا اوراك
********

راكب دماغك تابع اهواك
زايد ف اهبالك ما داير اقياس
ملكك لعناد والعام اللي جا يلقاك زايد ف عيبو
كيف اصباحك كيف امساك
حتى لين حد اجريك ، لغرور اعماك
ما ابقى لك تفكير ولا ضمير آش ادهاك
امغامر ف سفينة الغفلة
اصبحت غرقان ف ابحور الوحلة
واعرة لمواج مصعبها بركلة، هي الحصلة .

يالمفتون بنوارة الدفلى
ازيانت ليك عيوبك وحلات امعاصيك
لعمر اقصير ، والزاد اقليل، ف غيك اضليل
ما هماتك عشرة ولا جماعة
ظالم نفسك بظلم لعباد، وتحسبهم حساد

يالزاطم ف السدرة وتحسبها كاعة ، شوكها يدميك
غافل ولا ف يوم عقلك اوعى
ما لبست حلة من ثوب القناعة
تخطب تكذب تسلب تنهب
ويمكن على غفلة يوصل أجلك
ومن نهارك يعجلو بدفينك ، وها هوا مقيوم اعشاك.
ويتخاصمو الورثة بجهر ، على مال احرام
جمعو الممدود ف لقبر
وف يوم المحشر اتأدي لحقوق ، احسابك يلقاك
اخذاتك نشوة عايش ف سهوة ، وأضغات احلام
متخوم وراخف لحزام
ظنيت ف التخمة حاجتك و دواك
هاهيا اوراك يا بن الوراك.

Assile Janati

Assile Janati