الحسن مسليك

Admin · 7 h

وبغيت انشوف الدنيا
كيف اتحب أنت وأنت
الخير النفسك والجاه
وبغيتك ماشي فالحلم
أبغيت أنمد إدي بالعز
ماشي زايد ولا براني
وبغيت أنشوف ديك
لمرا اللي زينها شان
ماشي وهمية آبشان
انحلف بحلوف القسمية
ونخلف انا أهي خلفا
القدام انبنيو طوبا ابطوبا
بالقوام آفهذ الدار المنسية
ونهزها فوق فوق أكتافي
برضاها أعلي وبرضايا
ماشي اللي تنفخ فرمادي
أتزهر مني جمرة حمرة
أشتعل في نار لعوافي
وعماقي ماقدا عالمحنة
تبقى بين آضلوعي تاكل
آفداتي بكيتها بضربا
ضربت الضربان ياناسي
أبغيت المخبول يصبح
واضح وتعزز ل لمكان
ليك ألي ياناس أبلادي
اعلاش يناس الظلم
غرز دربالة فكل قلب
حتى اصبح العار غادي
ماشي بالعالي ماشي
راني أعيت راني أعيت
والدمعة متلات فرقاني
............
............ مجدوب الواقع............. 

Elhoucine Chakir

5 h

لا من غيرك يرحمني
زادي اخفيف
وذنوبي اعظيمه
مدونه سطور
مالي سواك
عالم باللي مالكني
القلب ارهيف
والكيه قديمه
بركان يفور
لاشئ يخفاك
زين خلقك اسحرني
عشقو عفيف
ما نخاف لومه
واخا الايام اتجور
عهدي هو ذاك
...........................
ح.ش

ذكي عبد الرحمن

****

المغرب لاش باغين عارو؟
****************

زينك يا بنت الأصول - كواني ف قلي ب اجمارو
بيك بالي هايم مشغول - مالكة عقلي و افكارو
سالباني كيف المعمول - عشقي ما خفات اسرارو
كيف نكتم لهوى موصول - بعمري ليلو و نهارو
يا زينة وزينك مكمول - شحال زينات منك غارو
والحاسد عقلو معلول - يقاسي من هم اكدارو
ما سلك طريق المعقول - باين واضح ب انوارو
صابو مرض أسمو لفضول - دواه يكنس عتبة دارو
مشاكيلو دون احلول - امأجلها وجاي لجارو
بشعبو ما بقاشي مشغول - بالبغض اعمات ابصارو
فين الغاز فين البيترول - ف السلاح فلوسهم طارو
والهدف آش باغي يقول - لغدر مكشوفة اسرارو
اطرحنا حل وكان مقبول - بلا ما نكثرو تكرارو
والباطل يزهق ويزول - فاشل راحل ف انهارو
وحدتنا ما عليها انزول - اللي اهملها قل مقدارو
والتاريخ عندو ما يقول - شاهدة سطورو ب اخبارو
اخلاص عافاكم من لفضول - المغرب لاش باغين عارو!؟
الغرب متحد ومشمول - جمعو ، اركانو ما انهارو
و احنا الشمل عندنا مفصول - شعوبنا ذاقت امرارو.

*************

بقلم ذكي عبد الرحمن

Nour Abouchama Hanif.

...
هْنَا طَاحْ الرّْيَالْ
...
شْكونْ أنَا ؟
إيلَا مَ كنْتْ دَمْعَة 
فْ عينْ لْغَيْمَة 
فْ عرْسْ دِيـــــــبْ مْرَقّطْ
اللّي غْصَبْ عرْسْ لْغَيْتْ
مَ كانْ صَعْلُوكْ
ؤُ كانْ ...
جِيـــــــــعَانْ مْلَـڭّـطْ
بْـڭَرْ عَلّال سَارحْ ...
زْنِيڭَـة رَاوْيَة
وْ زْنِيڭَـة خَاوْيَة
ؤُ لْعشْبَة غَـــاوْيَة
نْشُوفْ لْكُوسْتَارْ عْمَامَة
كفْهَا سَبْحَة
ؤُ كَفّْ مُوسْ
إيلَا مَ ذْبَحْ ... يِكَـرّطْ
...
نون حاء

Larbi Naciri

20 min

بغيت حقي فبلادي
واقف عل اسهول و انادي
فين هو زادي
فين إرث جدادي
واش الحرمان ولا عادي
اش انقول لولادي
على حريق كبادي
اش انقول لحفادي
فين شجرت سنادي
فين اصلي وعنادي
فين مجرا وادي
فين الريح الهادي
فين النسمة تحل عقادي
كيف اقلعو وتادي
إطعنو فمورادي
بضحكة ولعقل هادي
عندهم كلشي عادي
بغيت حقي فبلادي
ولمطمورة المقفولة
عليها انقشت انشادي
فيها من العيش حبوب
حبا مصهودا رماد كيف مرادي
هازا من اثقل حاميا اخواطر
حبوب تلمع كنز محميا بالبالي
هاذا مجراك يابنادم
فراشك بلعادي وغطاك بالبادي
فيهم تهجي وتكول انا بلغت مرادي

العربي الناصري

Chadil Hocine

29 min

شعوب الغرب تتقدم
شعوب العرب تتهدم
لحالنا القلوب تتألم

هم تقدمو في صناعة السلاح 
نحن تقدمنا في سلب الارواح
كان القتل في الاسلام مباح

اتحدو فما بينهم وقفو جنبا لجنب
ونحن تحالفنا على النصب والنهب
قسما بالرب انكم أشد كفرا يا عرب

فلسطين كدجاجة تفقد فراخها
في كل يوم وان وانتم نائمون
كفتاة جميلة اغتصبت ..صراخها
يصدح في العالم وانتم غافلون

سوريا..في حلب خراب ويباب
في حمص قتل وجوع وتشريد
الاسد حالفته الثعالب والذئاب
تنهش الصبايا والماسات تزيد

في العراق دم الابرياء يراق
يذبحون من الوريد إلى الوريد
نحن العرب حرم علينا العناق
فما بيننا واهملنا دين التوحيد

الحسين شديل

Elmzyan Boujemaa

8 min

شوف
عام تابع عام
زريبة الخيل
يتناوبوا عليها الجمال
وف كل نهار يتبدل الحال
اللي سرح بالليل
ينعس فيها ب النهار
وعلى مضاوة السيوفة
تهز المقال من فوق البغال
وسكرات الحالة مع الحال
وب حلاوة الدوا
ف كل مرة يتجرب دوا
وف كل مرة طبيب
ويبراوا على يديه المرضة
قدام الباب العريض
اكثر من عرضة
والداخل كراسة وجردة
وحلالف مكردة- - -